بو یار نیع بی وفا اولوپ

بیلمیرم من

نه منی دیندیریر

نه منی سراخلیر

بو یار نیع بی وفا اولوپ

بیلمیرم من

یانی بیلمیر

اورحیم اونان اوتور

بقیه در ادامه مطلب

یئنه  غمخانه  كیمین  دیر   منه  دونیا   گئجه لر

سن كی یوخسان گؤره سن گؤزلری دریا گئجه لر

بیر قارانلیق كوچه دیر ، بیر باجادیر ، بیرده منم

كیم   بیله ر  دردیمیزی همشه   ،   یلدا  گئجه لر

گؤزلیم    گؤزلرینی    اولدوز   ائله   گؤزلریمه

بلكه  اولسون  یوخومون كابوسی ، رؤیا  گئجه لر
سن گئدندن سورا بیر بوغضدی سالیب درده منی

گوزیاشیمدان     ائله دیم   دردی     مداوا   گئجه لر
سئوگی نین معناسینی گئزمه اوره کلرده کی من

                                                                               ائتمیشم      صبحه    قدر   سئوگینی   معنا   گئجه لر

گئجه   اولدی  هامی  یاتدی

                                    نیلوم     آخر     یاتانمورام

یارین فیکری دوشوب باشا

                                    فیکرین   باشدان  آتانمورام

آغزیم   دولوب  غم  کدردن

                                    چئگنمیشم   "    اوتانمورام

یاریم   منی  آتوب   گئدوب

                                    منکه    یاری      آتانمورام

عشقی پولا ساتوب گودوب

                                   من    عالمه      ساتانمورام

عشق    پاکدی   اول    آخر

                                    اونا   هوس       قاتانمورام

یول  اوزاقدی کروان  خسته

                                    یوکوم   یخوب   چاتانمورام

غم  لشگری   کسوب   یولی

                                    گوجوم   چاتمور باتانمورام

عومر   قاچور  من   قوورم

                                    هاخلییورام        توتانمورام

اوزوک  کیمی ایتیرمیشم  قاشیمی
                                                  تاپانمیرام       و فالی     یولداشیمی


  بولود   قویور  باشینی  داغ چینینه
                                                 من  قاراگون   هارا  قویوم  باشیمی


  ایسته میرم یاریم گوروب اینجی یه
                                                 گیزله دیرم    گوزومده   گوزیاشیمی


  باشماق کیمین زیوارسیزام حیف اولا
                                                 تاپانمیرام      دردیمه        کفاشیمی


  نقاش   اولوب   خیالینده  چکیردیر
                                                                       اول دوداغ،سونرادا گوز  –  قاشیمی


  رنگی قوتولدی  بوشلادی  طرحیمی
                                                                 گورمه دیم  اوندان  سورا  نقاشیمی


  مسافر اولدوم حیف اولا تانیش یوخ
                                                 لااقل    دالیمجان     پیشیره   آشیمی

اوزوک  کیمی ایتیرمیشم  قاشیمی

                                                  تاپانمیرام       و فالی     یولداشیمی


 

بولود   قویور  باشینی  داغ چینینه

                                                 من  قاراگون   هارا  قویوم  باشیمی


  ایسته میرم یاریم گوروب اینجی یه

                                                 گیزله دیرم    گوزومده   گوزیاشیمی


  باشماق کیمین زیوارسیزام حیف اولا

                                                 تاپانمیرام      دردیمه        کفاشیمی


  نقاش   اولوب   خیالینده  چکیردیر

                                                 اول دوداغ،سونرادا گوز  –  قاشیمی


  رنگی قوتولدی  بوشلادی  طرحیمی

                                                  گورمه دیم  اوندان  سورا  نقاشیمی


  مسافر اولدوم حیف اولا تانیش یوخ

                                                 لااقل    دالیمجان     پیشیره   آشیمی

اولسایدی   میسر   گوزلیم   یارین   اولایدیم

هر لحظه غمین چکمگه غمخوارین اولایدیم                                                        

هر شب دولانیب صبحه کیمین شمع  جمالین      

       پروانه   کیمی   طالب    دیدارین    اولایدیم                                                             

گینه یاددان سلینن خاطره لر یاده گلیر

یانیرام کول اولورام گوز یاشیم امداده گلیر

دوزورم تاب ائدیرم بیر نچه گون آیریلیقا

آناسیز کورپه کیمین دل گینه فریاده گلیر

بیر قوشام غملر یوروب گزمکده خوش گلمیر منه

باده لر بیربیر دولوب ایچمکده خوش گلمیر منه

غملروندن بیر زمان شاهلیق   ائدردیم عالمه

سن گئدن گونن بری غملرده خوش گلمیر منه

عطریوی آلیردیم هر سحر یللر اسنده سوگولوم

ایل گلیب آیلار گئچیب گوننرده خوش گلمیر منه

بیر  سؤزومله  اوره یینه   توخاندیم
یالواردیغیم     سؤزلریمه    باغیشلا


ایسته ییرسن  گل دیلیمدن آس آنجاق

سنی   سئون   گؤزلریمه    باغیشلا


هارا گئتسه ، سیزه  طرف  یول آلان

یالنیز     سنین     آتشینه     قالانان


ائوینیزه      پروانه تک      دولانان

ناخیش – ناخیش ایزلریمه  باغیشلا


اؤزون   یازدین   اوره ییمه   آدینی

سن   گؤستردین   محببتین   دادینی


اینجیک لیین     آتشی نی    اودونو

کوله  دؤنموش  گؤزلریمه  باغیشلا

گئددیین یوللارا باخدیم نه قدر

قاییدیب   گلمه دین قوجاددین منی

آلیبدیر دونیامی بوتون غم کدر

قاییدیب  گلمه دین قوجاددین منی

گوزلـرون آخ نه گوزلدیـر ، نه گوزل ، آی پاراسی

اوزی بیر دونیا بویاغ دیرگوزوون آغ ـ قـاراسی

بو نـه گوزیاشدی كی طوفانلی ائدیب گوزلرووی

جـانیمـا دوشسـون اگر گوزلـروون وار   قاداسی

دامجـی دامجـی ییقیلیـر خیردا گوزه ، من نه دئیم

دنـیـزه بـنـزیـیــر آمـا ایـكـی كیپـریـك آراسی

ائلـه اولـدوز كیمـی گوزیـاشی یئره توكمه گوزل

ائلـه   اولـدوزلارا دیـمـز گونـشـیـن گوشواراسی

آغلامـا ، بیـر بئلـه گوزیـاش ائله مه ، آرخایین اول

قویمارام سئل لره دوشسون گئنه ده ائل ساراسی

گئددیین یوللارا باخدیم نه قدر

قاییدیب   گلمه دین قوجاددین منی

آلیبدیر دونیامی بوتون غم کدر

قاییدیب  گلمه دین قوجاددین منی